መናኸሪያ እና አርታኢ

ምንም እንኳን ማክኦኤክስ ከአንድ ቤተኛ የመናኸሪያ ፕሮግራም ጋር አብሮ የሚመጣ ቢሆንም፣ እኛ ግን አይተርምን እንድትጪኑ እንመክራለን፣ ይህም ለገንቢዎች እና ለሌሎች የቴክኒክ ተጠቃሚዎች ከነባሪው መናኸሪያ የተሻለ እንዲሆን የሚያደርጉ የተለያዩ መሻሻሎችን ያካተተ ነው፡፡

እንዲሁም አንድ የአበልጻጊዎች የጽሑፍ አርታኢን እንድትጪኑ እንመክራለን። ብዙ ምርጥ የሆኑ ምርጫዎች ቢኖሩም የአተም አርታኢ ግን ለመጀመሪያ ጥሩ ምርጫ ነው፤ ማለት ቀድሞውን የምትወዱት አንድ የጽሑፍ አርታኢ ከለላችሁ ማለት ነው (ይህ የጽሑፍ አርታኢም በበጽሑፍ አርታኢ ላይ መሰረታዊ እውቀትን ለማግኘት የሚያስፈልገውን ተማር ላይ በደንብ ተሸፍኗል)።

ይህ በንዲህ እያለ፣ ለበቂ ተማሩ እና ለሬይልስ ማሰልጠኛ ትምህርት፣ ነባሪውን ማለት ዚ (Z) የተባለውን ቀፎ ከመጠቀም ይልቅ (ምንም እንኳን ብዙውን ጊዜ በሁለቱ መካከል ምንም ለውጥ ባይኖረውም) ቦርን-አጌይን የተባለውን ቀፎ እንድትጠቀሙ እንመክራለን። ቀፏችሁን ወደ ባሽ ለመቀየር፣ በማዘዥያ መስመሩ ላይ ይህንን chsh -s /bin/bash ትእዛዝ አስኪዱ እና ከዚያ መሕለፈቃላችሁን ካስገባችሁ በኋላ የመናኸሪያ ፕሮግራማችሁን እንደገና አስጀምሩ። ይህንን በማድረግ የምታገኟቸውን የማስጠንቀቂያ መልዕክቶች ችላ ብላችሁ ብታልፏቸው የሚያመጡት ምንም ነገር የለም። ለበለጠ መረጃ በበቂ ተማር ብሎግ ልጥፍ ላይ “በበቂ ተማር የስልጠና ትምህርት ላይ የዚ ቀፎን በማክ ላይ መጠቀም” የሚለውን ተመልከቱ፡፡

የኤክስኮድ የማዘዥያ መስመር መሳሪያዎች

ምንም እንኳን ማክኦኤክስ በዩኒክስ ላይ የተመሰረተ ቢሆንም፣⁶ ለአንድ የማበልጸጊያ አካባቢ አስፈላጊ ከሆኑት ሁሉ ሶፍትዌሮች ጋር ግን ተጪኖ አይሰደድም፡፡ ይህንን ለሟሟላት፣ የማክኦኤክስ ተጠቃሚዎች በአፕል የተፈጠሩ የማበልጸጊያ መሳሪያዎች እና የኮድ ቤተኮድ ስብስብ የሆነውን ኤክስኮድን (Xcode) መጫን ይኖርባቸዋል።

ቀደም ሲል ኤክስኮድ፣ አንድ ከ 4 ጌጋባይት በላይ የሆነ የምንጪ ፋይሎችን መጫኛን ማውረድ ይፈልግ ነበረ፣ ምስጋና ለአፕል ይሁን እና በቅርብ ጊዜ ዝርዝር 2 ላይ እንደሚታየው በአንድ ቀላል የማዘዥያ መስመር ኤክስኮድን መጫኑን እጅግ ፈጣን እና ቀላል አድርጎታል፡፡

$ xcode-select --install

ሆምብሬው

ቀጣዩ ሂደት በምርጫ ሊደረግ የሚችል ነው፣ ነገር ግን በእኛ አመለካከት አንድ የባለ ሙያ ደረጃ ላለው እውነተኛ የማክኦኤክስ የማበልጸጊያ አካባቢ አስፈላጊ ነው ብለን እናምናለን፣ እሱም ግሩሙን የሆምብሬው (Homebrew) የጥቅል አስተዳዳሪን መጫን ነው።

አንድ የጥቅል አስተዳዳሪን ልክ በነጻ የክፍት-ምንጪ ሶፍትዌር እንደተሞላ እና በማዘዥያ መስመር እንደሚካሄድ የአፕልኬሽን ማከማቻ አድርጋችሁ ማሰብ ትችላላችሁ፡፡ በአሁኑ ጊዜ አብዛኛዎቹ የሊኒክስ ስርጪቶች ከአንድ ቤተኛ የጥቅል አስተዳዳሪ (ክፍል 3.2) ጋር አብረው ይመጣሉ፣ ይሁን እንጅ ማክኦኤክስ በነባሪነት ምንም የለውም፡፡ ሆምብሬው በክፍት-ምንጪ ማህበረሰብ ውስጥ ከሚገኙ ብዙ የጥቅል አስተዳዳሪዎች መካከል አንዱ ነው፣ ከጊዜ በኋላ ግን በብዙ የማክኦኤክስ ገንቢዎች መካከል በጣም ተወዳጅነትን ያተረፈ አማራጪ ሆኗል፡፡

በክፍል 3.1.5 ላይ እንደምናየው፣ ሩቢን ለመጫን አንድ የሩቢአካባ (rbenv) የተባለ ፕሮግራምን እንጠቀማለን፣ እሱም በክፍል 3.1.4 ውስጥ በሆምብሬው በኩል ይጫናል፡፡ ይህ በንዲህ እያለ ሆምብራው ራሱ ሩቢን ይፈልጋል፣ ስለሆነም አንድ የጥገኝነት ክብ ውስጥ የገባን ይመስላል። ደስ የሚለው ነገር ደግሞ፣ ማክኦኤክስ ጪነቱን በራሱ-የሚጀምር ሂደት አድርገን ልንጠቀምበት ከምንችልበት አንድ የሩቢ ስርዓት ጋር ተጪኖ መሰደዱ ነው፡፡ ሆምብሬውን ለመጫን ይህንን ነባሪ ሩቢ እንጠቀማለን፣ ከዚያ ከላይ እንደተጠቀሰው የሩቢአካባቢ‘ን እና ተጨማሪ የሩቢ ስሪቶችን እንጪናለን።

የሆምብሬው መጫኛ ፕሮግራሙ አንድ የባሽ ፕሮግራምሲሆን፣ በማዘዥያ መስመር ላይ መሰረታዊ እውቀትን ለማግኘት የሚያስፈልገውን ትምህርት ተማር ላይ እንደተሸፈነው ከርል (curl) የተባለውን ፕሮግራም በመጠቀም ሊደረስበት ይችላል፡፡ በ‘/ቢን (/bin) ማውጫ ውስጥ የሚገኘውን፣ የ‘ባሽ (bash) ስርዓት ተፈጻሚን በመጠቀም፣ የሆምብሬው መጫኛ ፕሮግራምን ማስፈጸም እንችላለን። ሙሉው ትእዛዝ በዝርዝር 3 ላይ እንደሚታየው ይሆናል።

$ /bin/bash -c "$(curl -fsSL https://www.learnenough.com/homebrew.sh)"

ዝርዝር 3 ወቅታዊውን የሆምብሬው መጫኛ ፕሮግራምን የሚያመላክት አንድ የለርንኢነፍ.ኮም (learnenough.com) ማስተላለፊያ ዓ.አ.ሃ.አን (URL) እንደሚጠቀም ልታስተውሉ ይገባል። በዚህ መንገድ፣ ሆምብሬው ፕሮግራሙን ለማስተናገድ የሚያገለግለውን ዓ.አ.ሃ.አን ቢቀይረው እኛም የማስተላለፊያ አድራሻውን በቀላሉ ማዘመን እንችላለን፣ ስለሆነም ይህ የስልጠና ትምህርት ሁልጊዜ ወቅታዊነቱን እንደጠበቀ መስራቱን ይቀጥላል ማለት ነው። (ከፈለጋችሁ ደግሞ፣ ከሆምብሬው የመነሻ ገጽ ላይ የሚገኘውን ሙሉውን ትእዛዝ ቀድታችሁ በማዘዥያ መስመራችሁ ላይ መገልበጥ ትችላላችሁ።)

ሆምብሬው ጥቅሎችን ለመጫን፣ ለማዘመን እና ለማስወገድ የሚያገለግል አንድ ብሬው (brew) የተባለ የማዘዥያ መስመርን ይጪናል። ሆምብሬው መጫኑን ከጨረሰ በኋላ፣ የሰፈር ፋይሎችን ለማስተዳደር በሆምብሬው የሚፈለጉ ሁሉም ማውጫወች እና ፈቃዶች በትክክል መዘጋጀታቸውን የሚያረጋግጠውን የ‘ብሬው ዶክተር (brew doctor) ትእዛዝን ማስኬዱ አንድ ጥሩ ሀሳብ ነው:-

$ brew doctor

በዚህ ጊዜ የሆነ ችግር ካጋጠማችሁ በዊኪ የሆምብሬው መላ መፈለጊያ ላይ መጣቀስ ይኖርባችኋል፣ በእውነቱ ከሆነ ግን የስርዓት አቃፊዎችን በዘፈቀደ ካለወጣችሁ እና የፈቃድ ችግር ካላጋጠማችሁ በስተቀር ምንም አይነት ችግር ሊያጋጥማችሁ አይገባም።

የሩቢአካባቢ (rbenv)

ቀደም ሲል ማክኦኤክስ ሩቢ ጋር አብሮ ተጪኖ እንደሚመጣ ተመልክተናል፣ በስሪቱ እንቅጪ ቁጥር ላይ ግን ምንም አይነት የመቆጣጠር ሃይሉ የለንም፣ ማክኦኤክስም በቤተኛነት በርካታ የሩቢ ተጓዳኝ ስሪቶችን እንድንጠቀም አያስችለንም። የማበልጸጊያ አካባቢያችንን ልባችን እንደፈቀደው እንድናደርግ ያስችለን ዘንድ፣ የሩቢአካባቢን (rbenv) እንጪናለን። ይህም የተለያዩ የሩቢ ስሪቶችን የሚያስተዳድር እና የሩቢ የሶፍትዌር ጥቅሎችን (ማለት እንቁዎች (gems) ተብለው የሚጠሩትን) ሩቢ እንዲያገኛቸው በትክክለኛው ቦታ ላይ እንደተቀመጡ የሚያረጋግጥ አንድ መገልገያ⁷ ነው።

የሩቢአካባቢን ከ‘ሩቢ-ገንባ (ruby-build) ትእዛዝ ጋር አብሮ መጠቀሙ፣ ለተለያዩ የፕሮጀክት ማከማቻዎች አንድ የተለየ የሩቢ ስሪትን እንድንለይ ያስችለናል፤ ይህም በሶፍትዌር ብልጸጋ ላይ አንድ የተለመደ ተግባር ነው፡፡⁸ ለምሳሌ፣ አንድ የቆየ የፕሮግራም ስሪትን በትክክል ለማስኬድ አንድ የቆየ የሩቢ ስሪትን ሊፈልግ ይችላል። ይህ ማለት የሩቢአካባቢን በመጠቀም፣ ሌሎች ፕሮጀክቶቻችን እጅግ ወቅታዊ በሆነ አንድ የሩቢ ስሪት እያስኬድን፣ እንዲህ አይነቱን የቆየ አንድ ፕሮግራም ደግሞ በአንድ የቀድሞ የሩቢ ስሪት ማስኬድ እንችላለን ማለት ነው።

በሆምብሬው የሩቢአካባቢን መጫኑ እጅግ ቀላል ነው። በዝርዝር 4 ላይ እንደሚታየው ብሬው የሩቢአካባቢ ጫን‘ን (brew install rbenv) በመጠቀም ሁለቱንም ማለት የሩቢአካባቢን እና ሩቢ-ገንባ‘ን (ruby-build) በአንድ ጊዜ መጫን እንችላለን፡፡

$ brew install rbenv   # እንዲሁም ሩቢ-ገንባ`ን (ruby-build) በራስሰር ይጪናል።

ዝርዝር 4 መጫኑን ከጨረሰ በኋላ፣ በዝርዝር 5 ላይ እንደሚታየው አርቢአካባቢ አስጀምር‘ን (rbenv init) በመጠቀም የሩቢአካባቢን በስራ ላይ ማዋል ይፈለግብናል፡፡

ማሳሰቢያ:- የዚኤስኤች (Zsh) ቀፎን የምትጠቀሙ ከሆነ፣ .zshrc ‘ን በ .bash_profile መተካት ይኖርባችኋል። የበለጠ መረጃ ለማግኛት “በበቂ ተማር የስልጠና ትምህርት ላይ የዚ ቀፎን በማክ ላይ መጠቀም” የሚለውን ተመልከቱ፡፡

$ rbenv init
# የሚከተለውን ትእዛዝ በ ~/.bash_profile (የዚቀፎን የምትጠቀሙ ከሆነ ደግሞ
# በ ~/.zshrc ትእዛዝ ላይ ) በማያያዝ የሩቢአካባቢን (rbenv) በራስሰር ጫኑ:-

eval "$(rbenv init -)"

ዝርዝር 5 “እንደዚህ አይነት ፋይል ወይም ማውጫ የለም (No such file or directory.)” የሚል አንድ የስህተት መልእክት ከሰጣችሁ፣ “ተቆር-ዲንን (Ctrl-D)” በመጠቀም ከቀፎ ፕሮግራሙ ውጡ እና እንደገና አስጀምራችሁ ከዚያ ትእዛዙን እንደገና ሞክሩት። (ይህ ዓይነቱ እንደገና የማስጀመር እና እንደገና የመሞከሩ ዘዴ፣ የተለመደ ቴክኒካዊ ብልሃት ነው (ሳጥን 1)።)

በዝርዝር 5 ላይ እንደተመለከተው፣ የሩቢአካባቢ አስጀምርን (rbenv init) ማስኬዱ፣ ሁልጊዜ የሩቢአካባቢን እራሳችን ከማስጀመር ይልቅ ይህንን ትእዛዝ:-

eval "$(rbenv init -)"

በ .bash_profile ማህደር ውስጥ በማስገባት ድግግሞሽን እንዴት ማስወገድ እንደምንችል አንድ አስተያየትን ያበረክታል (ይህም በጽሑፍ አርታኢ ላይ መሰረታዊ እውቀትን ለማግኘት የሚያስፈልገውን ተማር ላይ በደንብ ተሸፍኗል።)

ከፈለጋችሁ በናንተ የ .bash_profile ማህደር ውስጥ eval የሚለውን ትእዛዝ ለማከል አንድ የጽሑፍ አርታኢን መጠቀም ትችላላችሁ፣ በማዘዥያ መስመር ላይ መሰረታዊ እውቀትን ለማግኘት የሚያስፈልገውን ትምህርት ተማር ላይ እንደተሸፈነው ቀላሉ መንገድ ግን አስተጋባን (echo) እና የቅጥያ >> ስሌትን እንዲህ አድርጎ መጠቀም ነው:-

$ echo 'eval "$(rbenv init -)"' >> ~/.bash_profile
# ዚኤስኤችን (Zsh) የምትጠቀሙ ከሆነ ~/.zshrc `ን ተጠቀሙ

እዚህ ላይ፣ በአሁኑ ወቅት በየትኛውም ማውጫ ውስጥ ብንሆንም እንኳን ትእዛዙ እንዲሰራ፣ የቤት ማውጫውን (~) በመንገዱ ውስጥ እንዳካተትነው ልታስተውሉ ይገባል፡፡

በመጨረሻም፣ (በጽሑፍ አርታኢ ላይ መሰረታዊ እውቀትን ለማግኘት የሚያስፈልገውን ተማር ላይ እንደተጠቀሰው) አዲሱን የመገለጫ ማህደር ለማግበር አመንጪ (source) የተባለውን ትእዛዝ መጠቀም ይኖርብናል:-

$ source ~/.bash_profile  # ዚኤስኤችን (Zsh) የምትጠቀሙ ከሆነ ~/.zshrc `ን ተጠቀሙ

አዲስ የሩቢ ስሪት

አሁን የሩቢአካባቢ ስለተዘጋጀ፣ እስኪ አንድ ስርዓት ውስጥ ያልገባ የሩቢ ስሪትን እንዲያስተዳድር እንስጠው። የመጫን ሂደቱ ሙሉ በሙሉ የሚስተናገደው በሩቢአካባቢ ነው፣ ስለሆነም ማድረግ ያለባችሁ ነገር ቢኖር ትክክለኛውን የሩቢ የስሪት ቁጥር ከሩቢአካባቢ ትእዛዝ ጋር ጎንለጎን በመስጠት በስርዓታችሁ ላይ የትኛውን ስሪት እንደምትፈልጉ መንገር ብቻ ነው፡፡

በዚህ የስልጠና ትምህርት ውስጥ የሩቢ ስሪት ቁጥር 2.7.4 ‘ን እንጠቀማለን፣ ይህ ጽሑፍ እስከተጻፈበት ጊዜ ድረስ የተለያዩ የሩቢ አፕልኬሽኖች ላይ በደንብ እንደሚሰራም ይታወቃል፣ ነገር ግን ከፈለጋችሁ በሩቢ ድርጣቢያ ላይ እንደተዘረዘረው ወቅታዊውን ወይም የቀድሞውን የሩቢ ስሪት መጠቀምም ትችላላችሁ፡፡

የሩቢአካባቢ‘ን (rbenv) በመጠቀም የተፈለገውን የሩቢ ስሪት ለመጫን፣ በዝርዝር 6 ላይ የሚታየውን ትእዛዝ ብቻ ፈጽሙ፡፡ ስርዓታችሁ የተሰጠው የሩቢ ስሪት አልተገኘም ብሎ ቅሬታ ካሰማ፣ ወቅታዊውን ስሪት ለመድረስ ስርዓታችሁን ማዘመን ይኖርባችኋል (ሳጥን 2)።

$ rbenv install 2.7.4

በዝርዝር 6 ውስጥ ያለውን ትእዛዝ ካስኬዳችሁ በኋላ፣ የሩቢአካባቢ የማውረድ ሂደቱን ሲጀምር እና ለዚያ የተወሰነ የሩቢ ስሪት የሚያስፈልጉትን ጥገኛዎች (ጥገኛ ፕሮግራሞች) ሲጪን ማየት አለባችሁ፡፡ (ይህም በመተላለፊያ ይዘቱ እና በማዕከላዊ የሂደት ክፍሉ (ማ.ሂ.ክ (CPU)) ወሰን ላይ በመመርኮዝ ትንሽ ጊዜ ሊወስድ ይችላል)።

ማሳሰቢያ:- ይህን የመሰለ አንድ የስህተት መልእክት ልታገኙ ትችሉ ይሆናል:-

ruby-build: definition not found: 2.7.4

See all available versions with `rbenv install --list'.

If the version you need is missing, try upgrading ruby-build:

  brew update && brew upgrade ruby-build

ይህ ከተከሰተ እጅግ ወቅታዊውን የ‘ሩቢ-ገንባ (ruby-build) ዝርዝርን በሩቢአካባቢ plugins ማውጫ ውስጥ መሰል⁹ (Clone) ማድረግ ይኖርባችኋል:-

$ mkdir ~/.rbenv/plugins
$ git clone https://github.com/rbenv/ruby-build.git ~/.rbenv/plugins/ruby-build

ሩቢ-ገንባ (ruby-build) ቀድሞውኑ እዛው ላይ ካለ፣ ወቅታዊ ለውጦቹን በቀላሉ ለማውረድ የጊት ጎትት (pull) ትእዛዝን እንደሚከተለው አድርጋችሁ መጠቀም ትችላላችሁ:-

$ cd ~/.rbenv/plugins && git pull && cd -

  $ brew update
  $ brew upgrade

ሩቢን መጫኑ ከተጠናቀቀ በኋላ፣ ግልጽ ባልሆነ ስም የተሰየመውን የ‘እንዳዲስ-አቅርብ (rehash) ትእዛዝን በመጠቀም አንድ አዲስ የሩቢ ስሪት እንዳለ ለስርዓቱ መንገር ይኖርብናል:-

$ rbenv rehash

ለዚህ መመሪያ፣ ፕሮጀክታችሁን በምትጀምሩበት ጊዜ የሩቢ ስሪትን ለይታችሁ ለመጥቀስ እንዳትጨነቁ፣ የዝርዝር 6 የሩቢ ስሪቱን በተጨማሪ አንድ የዓለም አቀፍ ነባሪ ስሪት እንዲሆን እናደርጋዋለን (እዚህ ላይ አንድ ስሪትን ዓለም አቀፍ ማድረግ ማለት በዚህ ስርዓት ውስጥ የሚፈጠሩ አፕልኬሽኖች በሙሉ አንድ ዓለም አቀፍነት የተሰጠውን ስሪት ይጠቀማሉ ማለት ነው፤ በዚህ ወቅት ደግሞ የሩቢ የስሪት ቁጥር 2.7.4 ‘ን ይሆናል ማለት ነው)፡፡ ይህንን ለማድረግ መንገዱም የ‘ዓለም-አቀፍ (global) ትእዛዝን መጠቀም ነው:-

$ rbenv global 2.7.4

በዚህ ጊዜ ሁሉም ቅንጅቶች በትክክል እንደተዘመኑ ለማረጋገጥ፣ የቀፎ ፕሮግራሙን እንደገና ማስጀመሩ አንድ ጥሩ ሀሳብ ሊሆን ይችላል፡፡

ለወደፊቱ ስራ፣ በአንድ ፕሮጀክት መሰረት ላይ የተወሰነ የሩቢ ስሪትን መጠቀም ትፈልጉ ይሆናል፣ ይህም በፕሮጀክቱ ስረ ማውጫ ላይ አንድ .ruby-version የተባለ ፋይልን በመፍጠር እና ጥቅም ላይ እንዲውል የተፈለገውን የሩቢ ስሪትን በማካተት ሊከናወን ይችላል። (በስርዓታችሁ ላይ አሁን ከሌለ፣ በዝርዝር 6 ላይ እንደተመለከተው rbenv install <የስሪት ቁጥር> ‘ን በመጠቀም መጫን ይኖርባችኋል።) የበለጠ መረጃ ለማግኘት የሩቢአካባቢ ሰነድን ተመልከቱ።

በመጨረሻም፣ የሩቢ ሶፍትዌርን በእንቁዎች (gems) ወይም እራሱን-በያዘ የሩቢ ኮድ ጥቅል በኩል በምትጪኑበት ጊዜ፣ ሶፍትዌሩን ከመጫን ይልቅ የሰፈር ሰነዱን ለመጫን ብዙ ጊዜ ሊወስድ ስለሚችል፣ ብዙውን ጊዜ እሱን ላለመጫን መዝለሉ የተመረጠ ነው፣ በተፈለገ ጊዜ ደግሞ ሰነዱን በመስመር ላይ መድረሱ እጅግ አመች ነው። ሰነድ መጫንን መከላከሉ፣ እንደየሁኔታው ሊከናወን ይችላል፣ ነገር ግን በዝርዝር 7 ላይ እንደሚታየው፣ እምብዛም ጥቅም ላይ የማይውሉትን (እና ለመጫን ጊዜ የሚወስዱትን) የሩቢ የሰነድ ፋይሎች ለመዝለል በቤት ማውጫው ውስጥ አንድ .gemrc ተብሎ የሚጠራ ፋይልን በመፍጠር እሱን አንድ ዓለም አቀፍ ነባሪ ማድረጉ የበለጠ አመች ይሆናል።

$ echo "gem: --no-document" >> ~/.gemrc

በዚህ ውቅር የሩቢ እንቁዎችን ለመጫን፣ ማንኛውም gem install <የእንቁ ስም> ‘ን መጠቀሙ፣ በራስሰር ስልክክ ያለ፣ ቀልጣፋ እና ከሰነድ ነጻ እንዲሆን ያደርገዋል፡፡

ጊት

ወቅታዊው የጊት የስሪት ቁጥጥር ስርዓት ክፍል 3.1.2 ላይ ከተጫኑት የኤክስኮድ የማዘዥያ መስመር መሳሪያዎች ጋር በራስሰር መምጣት ይኖርበታል፣ ይህንንም የ‘የትኛው (which) ትእዛዝን በመጠቀም ማረጋገጥ ትችላላችሁ:-

$ which git

የዚህ ውጤት ባዶ ከሆነ፣ ጊት አልተጫነም ማለት ነው፣ እናም ሆምብሬውን በመጠቀም እሱን መጫን ትችላላችሁ:-

$ brew install git

ያም ሆነ ይህ፣ የጊት የስሪት ቁጥር ቢያንስ ቢያንስ 2.28.0 መሆኑን ማረጋገጥ ይኖርባችኋል:-

$ git --version
git version 2.31.1    # የስሪት ቁጥሩ ቢያንስ ቢያንስ 2.28.0 መሆን አለበት።

የስሪት ቁጥሩ ወቅታዊ ካልሆነ፣ መጀመሪያ ብሬው አዘምን‘ን (brew update) ከዚያ ደግሞ brew upgrade git ‘ን ማስኬድ ይኖርባችኋል።